نواب بيروت ... كونوا ل بيروت

عندما تصلون الى المجلس النيابي ... ماذا يتغير بكم ماذا يحصل لكم هل يتغير شيء في بروتكول الشعبويه وتنتقلون فجأة من شخص يتنقل من زاروب ل زاروب من مبنى سكني الى اخر من ساحه الى ساحه من بين أهلكم وناسكم الى التخفي والبعد عن الناس والاهل بين قوسين الذين كنتم تقابلوهم بالمجالس وتحكون لهم ( بيروت ) بدها ترجع .... ورجعت بيروت للعصر الحجري وانتو ١١ نائب عن بيروت لبوا أهلها بالعربي المشبرح : البيروتي مش مضطر يشتري مي للخدمه ليغسل ويتحمم ويتوضى !! البيروتي مش مضطر ينزل بجورة ويكسر سيارتو او " الموتسيك " ويدفع يلي فوقوا ويلي تحتوا !!!! البيروتي مش مضطر انو يوقف عبواب المستشفيات ويشحد !!!! البيروتي مش مضطر انو يدقلكن ما تردوا وانتو قبل الانتخابات كنتوا عم تقدمولوا " لبن العصفور " عا طبق من دهب .... تذكروا يا نواب بيروت انو البيروتي طلعكن ولما تغلطوا البيروتي رح ينزلكن انزلوا عالشارع وكونوا بين اهلكن وناسكن وتفضلوا عا شوارعكن يلي طلعتوا منها ووقفوا حصن منيع بوج كل شخص حاقد عا بيروت .... تفضلوا عالساحات